Mozambikdagi “Machava” qamoqxonasidan 6000 ga yaqin jinoyatchi qochib ketdi. Bu mamlakatda davom etayotgan norozilik namoyishlari fonida yuz bermoqda.
Mozambikdagi Machava qamoqxonasidan 6 mingga yaqin jinoyatchi qochib ketdi Bildirishnoma Qisqacha xabar.
Qayd etilishicha, mahbuslar soqchilarni qurolsizlantirib, poytaxt Maputo yaqinidagi Machava tumanida joylashgan qamoqxonadan qochishga muvaffaq bo‘lgan. Ommaviy axborot vositalariga ko'ra, qochgan jinoyatchilar qamoqxona qo'riqchilaridan qurol olib qo'yilgan bo'lishi mumkin.
Mahbuslarning qochishi muxolifatning norozilik harakatlari tufayli yuzaga kelgan katta tartibsizliklar fonida sodir bo'lmoqda. Mozambikda muxolifat 9-oktabrdagi saylov natijalaridan noroziligini bildirib, mamlakat poytaxti va boshqa shaharlarda norozilik namoyishlarini boshladi.
Kecha Mozambik Konstitutsiyaviy kengashi hukmron «Frelimo» partiyasi va uning prezidentlikka nomzodi Daniel Shapu g'alaba qozonganini tasdiqladi. Namoyishchilar politsiya bilan to'qnashmoqda. Mozambik hukumati Konstitutsiyaviy kengash qarori e'lon qilinganidan keyin 24 soat ichida to'qnashuvlarda kamida 21 kishi halok bo'lganini ma'lum qildi.