Suriyaning yangi hukumati Maysa Sabrinani Suriya Markaziy banki (MB) muvaqqat rahbari etib tayinladi. Suriyaning yuqori martabali mulozimlaridan biri Reuters agentligiga u bankning 70 yildan ortiq tarixida bu lavozimni egallagan birinchi ayol ekanligini aytdi.
Sabrina bungacha Suriya Markaziy banki vitse-prezidenti lavozimida ishlagan. U 2021-yilda prezident Bashar al-Assad tomonidan gubernator etib tayinlangan Muhammad Issam Hazime o‘rnini egalladi.
Agentlikning taʼkidlashicha, yangi hukumat hokimiyatni qoʻlga kiritgach, toʻliq davlat nazorati ostidagi iqtisodiyotni liberallashtirish, jumladan, import va eksport uchun oldindan ruxsat olish zaruriyatini yoʻqqa chiqarish va xorijiy valyutadan foydalanish ustidan nazoratni bekor qilish choralarini koʻrdi.
Bank, shuningdek, Asad hokimiyatdan ag'darilganidan va qisqa talonchilik to'lqinidan keyin mamlakat aktivlarini inventarizatsiya qildi. Manbaning ta'kidlashicha, o'g'irlikda Suriya valyutasi o'g'irlangan, ammo asosiy pul miqdori daxlsiz qolgan.