Eron Tashqi ishlar vazirligi Saudiya Arabistonining Tehrondagi elchisi Abdulla bin Saud al-Anaziyning giyohvand moddalar savdosida ayblangan olti nafar eronlik qatl etilishidan noroziligini bildirdi.
Eronning rasmiy xabar agentligi IRNA xabariga ko‘ra, Saudiya Arabistonida olti nafar eronlik mahbus qatl etilgandan so‘ng, elchi al-Anaziy Eron Tashqi ishlar vazirligiga chaqirilib, Eronga “kuchli qarshilik” bildirilgan diplomatik nota topshirgan.
Maʼlumotlarga koʻra, qatl etilgan eronliklar avvalroq Saudiya Arabistoni sudlari tomonidan narkotik moddalar savdosida ayblanib, oʻlim jazosiga hukm qilingan edi.
Eron Tashqi ishlar vazirligi mahkumlarga konsullik yordami koʻrsatish va jazolarini yengillashtirish uchun yillar davomida ishlaganini aytdi.
“Ammo oʻlim jazosini elchixonani oldindan xabardor qilmasdan amalga oshirish mutlaqo nomaqbuldir va xalqaro huquqni, jumladan, Vena konventsiyasini buzadi”, — deyiladi Tashqi ishlar vazirligi bayonotida.
Vazirlikning bildirishicha, elchi bilan uchrashuvda bunday harakatlar ikki davlat oʻrtasidagi huquqiy hamkorlik boʻyicha umumiy amaliyotga zid ekani taʼkidlangan.
Bundan tashqari, Eron Tashqi ishlar vazirligining yuridik va konsullik bo‘limlari vakillari muammoni hal qilish uchun Ar-Riyodga borishi haqida xabarlar bor.