Rossiya neft tankeri boshqaruvni yo‘qotib, Boltiq dengizidagi Ryugen orolidan shimolga suzib ketmoqda. Voqea joyida ishlayotgan dengiz favqulodda qutqaruv agentligi ma'lumotlariga ko'ra, tankerda taxminan 99 ming tonna neft bor edi. Bu haqda Bild nashri xabar bermoqda.
Xabarda aytilishicha, gap Panama bayrog‘i ostida suzib kelayotgan Eventin neft tankeri haqida ketmoqda. 248 metr uzunlikdagi kema Rossiyaning Ust-Luga portida neft ortgan va 6-yanvar kuni yo‘lga chiqqan. Yakuniy manzil Misrdagi Port-Said shahri.
“Eventin tankeri 18 yoshda va Rossiyaning soya floti deb ataladigan flotga tegishli. Bu flot bilan Rossiya Ukrainadagi urush tufayli joriy etilgan G‘arb sanksiyalaridan qochmoqda”, — deyiladi nashr.