Bosh prokuratura huzuridagi departament tomonidan ko‘rilgan tezkor chora-tadbirlar natijasida qonunga xilof ravishda alkogol mahsulotlarini ishlab chiqarish va sotish bilan bog‘liq qator holatlar aniqlandi.
Beruniy tuman bo‘limi tomonidan tashkil etilgan tadbirda “Jayhun” MFY hududida joylashgan do‘konda davlat ro‘yxatidan o‘tmagan 279 dona alkogolli mahsulotlar sotayotgan fuqaro aniqlandi. Ushbu mahsulotlar ashyoviy dalil sifatida olinadi.
Oqqo‘rg‘on shahrida tumandagi MChJ rahbari 2 dona soxta aksiz markali alkogolli mahsulotlarni xaridorga sotayotgan vaqtida ushlanib, do‘kondan 233 dona soxta aksiz markasidagi alkogolli mahsulotlar daliliy ashyo sifatida olindi.
Yangiyo‘l tuman bo‘limi xodimlari tomonidan o‘tkazilgan tezkor tadbir davomida fuqaro o‘z xonadonida yashirin savdo do‘koni tashkil etib, qo‘lbola alkogolli mahsulotlar ishlab chiqargani aniqlandi. Xonadondan qalbaki “O‘zbegim” alkogol mahsuloti va 120 litr alkogol olindi.
Mazkur holatlar yuzasidan Jinoyat kodeksining 176-moddasi (Qonbaki tovarlarni ishlab chiqarish, saqlash va tashish) va 186-moddasi (Xavfsizlik talablariga javob bermaydigan tovarlarni ishlab chiqarish, saqlash va tashish) asosida jinoyat ishi qo‘zg‘atilgan , tergov ostida. davom etmoqda.