Surxondaryolik 28 yoshli bemor siydik chiqarishda qiynalayotganidan shikoyat qildi. Tekshiruv natijalariga ko'ra siydik yo'llarining strikturasi tashxisi qo'yilgan. Uretroplastika korpus spongiosum kesilmasdan muvaffaqiyatli amalga oshirildi. Bu usul muhim ahamiyatga ega, chunki u qon ketish va nervlarning shikastlanish xavfini kamaytiradi.
Umuman olganda, o‘tgan yili markazga beshta yangi diagnostika usuli va ikkita yangi davolash usuli joriy etildi. Markaz direktori Shuhrat Muxtorovning aytishicha, joriy yilda 7 mingga yaqin jarrohlik amaliyoti o‘tkazilgan bo‘lsa, shundan 3665 tasi yuqori texnologiyali jarrohlik amaliyotlaridir. Markazning texnik bazasini mustahkamlash doimo e’tiborda.
Markaz faoliyatida xalqaro hamkorlik tobora muhim ahamiyat kasb etmoqda. O‘tgan yil davomida 31 nafar xodim AQSh, Rossiya, Avstriya, Germaniya, Niderlandiya, BAA, Yaponiya, Xitoy, Koreya va Fransiyaning yetakchi klinikalarida malaka oshirdi. Hamkor davlatlar mutaxassislari ishtirokida ayrim noyob operatsiyalar ham amalga oshirilmoqda.
Hududiy filiallarni rivojlantirishga katta e’tibor qaratilmoqda. O‘tgan yili sohada 18 mingdan ortiq turli operatsiyalar amalga oshirilgan bo‘lsa, shundan 5 ming 700 ga yaqin operatsiyada yuqori texnologiyalar qo‘llanilgan. Viloyat va tumanlarda yangi diagnostika usullari joriy etilayotgani, mahalliy shifokorlar bilan hamkorlikda ish olib borilayotgani va telemeditsina orqali masofaviy maslahatlashuvlar o‘tkazilayotgani tufayli markazga murojaatlar soni sezilarli darajada kamaydi.