Bu haqda YeXHT Demokratiya va inson huquqlari bo‘yicha byurosi X ijtimoiy tarmog‘ida ma’lum qildi.
“Belarus tomoni taklifi juda kech – prezident sayloviga 10 kun qolganida tushdi. Belorussiyadan kelgan taklif saylov jarayonining asosiy bosqichlarini kuzatish imkoniyatini bermasligi toʻliq monitoringni imkonsiz qiladi. 9 yanvardagi bayonotimizda keltirilgan maʼlumotlar dolzarbligicha qolmoqda”, — deyiladi idorada.
Bir hafta oldin ushbu tashkilot Belarus 26 yanvar kuni bo‘lib o‘tadigan prezidentlik saylovlarini kuzatish uchun YeXHT vakillarini taklif qilmaganidan afsusda ekanini bildirgan edi.
Biroq 17 yanvar kuni Belarus Tashqi ishlar vazirligi Facebook’dagi sahifasida IHBga saylovni kuzatish uchun taklifnoma yuborishini ma’lum qildi. Shu kuni AQSh Davlat departamenti «Belarusdagi muvaffaqiyatsiz saylovlar va davom etayotgan repressiyalarni» qoralagan bayonot berdi.
“Rejimning YXHTga saylov jarayonini kuzatish boʻyicha oʻz vaqtida taklif kiritmagani uning shaffof saylov jarayoniga befarqligidan dalolat beradi”, — deyiladi AQSh Davlat kotibi Entoni Blinken imzolagan hujjatda.