Kenan Yildiz «Milan“ga qarshi o‘yinda mushaklaridan jarohat oldi.
Kecha “Yuventus” A Seriyaning 21-turida “rossonerilar”ni mag‘lub etdi (2:0).
Turkiyalik yarim himoyachi uchrashuvdagi tanaffus vaqtida almashtirildi. Uning o‘rniga Timoti Vea maydonga tushdi.
“Yuventus” bosh murabbiyi Tiago Mottaning so‘zlariga ko‘ra, Kenan qo‘shimcha mushaklaridagi muammodan shikoyat qilgan. Tez orada futbolchi jarohat darajasini aniqlash uchun tibbiy ko‘rikdan o‘tishi kutilmoqda.
Yildiz joriy mavsumda “Yuventus” safida barcha musobaqalarda 29 ta o‘yinda maydonga tushib, 6 ta gol urdi va 5 ta golli uzatmani amalga oshirdi.
“Yuventus”ning navbatdagi o‘yini seshanba kuni Chempionlar ligasi doirasida “Bryugge“ga qarshi bo‘ladi. A Seriyaning navbatdagi o‘yini 25 yanvar kuni safarda “Napoli“ga qarshi o‘tkaziladi.