«Manchester Siti” himoyachilar Vitor Reys va Abduqodir Husanovni qachon yangi o‘yinchi sifatida rasman ko‘rsatishi haqida ma’lumot paydo bo‘ldi.
Jurnalist Saymon Baykovskiyga ko‘ra, Reys va Husanovlar yaqin 24 soat ichida (katta ehtimol bilan bugun tunda) yangi transferlar sifatida e’lon qilinadi. Biroq har ikkala futbolchi ham Chempionlar ligasining navbatdagi o‘yinida maydonga tusha olmaydi, chunki ular faqat umumiy bosqich yakuniga yetganidan keyin turnirga ro‘yxatdan o‘tishlari mumkin.
Himoyachilarning debyuti 25 yanvar kuni Angliya Premyer-ligasining 23-turidan o‘rin olgan “Manchester Siti” – “Chelsi” uchrashuvida bo‘lib o‘tishi mumkin.
Eslatib o‘tamiz, Reys va Husanovni sotib olish “shaharliklar”ga taxminan 80 million yevroga tushgan.