Andijon viloyatida 5 kishi spirtli ichimlikdan zaharlanib vafot etdi. Bu haqda viloyat prokuraturasi matbuot xizmati xabar berdi.
Ma’lumki, 22-26 dekabr kunlari viloyatda 22 nafar fuqaro O‘zbekistonning maxsus iste’mol markasi tushirilgan kuchli “O‘zbekiston” alkogolini iste’mol qilgani sababli o‘tkir zaharlanish tashxisi bilan kasalxonaga yotqizilgan.
Ulardan besh nafari shifokorlar tomonidan zarur tibbiy yordam ko‘rsatilganiga qaramay vafot etgan.
Mazkur holat yuzasidan viloyat prokuraturasi tomonidan Jinoyat kodeksining tegishli moddalari bilan jinoyat ishi qo‘zg‘atilgan.
Mazkur jinoyat ishi bo‘yicha dastlabki tergov ishlarini viloyat IIB Tergov byurosi va IJQK byurosi tergovchilaridan iborat bo‘lgan, viloyat prokurori rahbarligida tuzilgan tezkor tergov guruhi olib bormoqda.