Yoqilg‘i quyish shoxobchalari yopilganidan shikoyat qilgani uchun 15 sutka hibsga olingan G‘ayrat Do‘stov va uning advokatlarining apellyatsiya arizasi qisman qanoatlantirildi.
Kun.uz muxbirining xabar berishicha, 3 yanvar kuni Jinoyat ishlari bo‘yicha Toshkent shahar sudi Do‘stovning 15 sutkalik ma’muriy qamoq jazosini 8 sutkaga qisqartirgan va u muddatini o‘tab bo‘lgach, sud zalida ozodlikka chiqarilgan.
G‘ayrat Do‘stov 23 dekabr kuni Toshkent shahrining Bektemir tumani, Oltintopgan ko‘chasi, 2-uyda joylashgan “Morotrans” MChJga qarashli yoqilg‘i quyish shoxobchasida navbatda turgan.
Shundan so‘ng u 25 dekabr kuni hibsga olingan va 26 dekabr kuni Bektemir tuman sudi tomonidan mayda bezorilikda ayblanib, 15 sutkaga ma’muriy qamoq jazosiga hukm qilingan.
Do‘stovning 3 yanvar kuni apellyatsiya sudi majlisida ma’lum qilishicha, sudning dastlabki qaroridan keyin u “Panelniy”da atigi 1 kecha ushlab turilib, keyin poytaxt IIBBga olib ketilgan.
Sudya Farrux Mahmudov raisligidagi apellyatsiya sudi dastlab sudlanuvchi ishtirokisiz boshlangan, biroq uning advokatlari talabiga ko‘ra G‘ayrat Do‘stov sudga keltirildi. Sud jarayonida uning jarohatlari tufayli ish qisqa muddatga to‘xtatildi. Do‘stov hushiga kelgach, sud davom etdi.
“Mansabdorlar bir bahona bilan yashirinib yurganlarida…” – G‘ayrat Do‘stovning hibsga olinishi norozilik to‘lqiniga sabab bo‘ldi.