Tailanddan Janubiy Koreyaga uchayotgan samolyotda 175 nafar yo‘lovchi va olti nafar ekipaj a’zosi bo‘lgan. Soʻnggi maʼlumotlarga koʻra, 47 kishi aviahalokat qurboni boʻlgan, qurbonlar soni ortishi mumkin.
Janubiy Koreyaning Yonhap agentligi Jeju Air aviakompaniyasining samolyoti Bangkokdan havoga ko‘tarilganini xabar qildi. U mamlakat janubi-g‘arbidagi Seuldan 288 km uzoqlikda joylashgan Muan aeroportiga qo‘nganida uchish-qo‘nish yo‘lagidan chiqib ketgan va to‘siqqa borib urilgan.
Koreya televideniyesi to'qnashuvdan keyingi tasvirlarni tarqatdi.
Voqeadan so‘ng darhol qutqaruv ishlari boshlandi. Ularning xabar berishicha, samolyot dumida 29 kishi halok bo‘lgan. «Jabrlanganlar soni ortishi mumkin, aksariyat qurbonlarning ahvoli og‘ir», dedi o‘t o‘chirish bo‘limi vakili AFPga.
Bir soatdan keyin rasmiylar aviahalokat qurbonlari soni 47 kishiga yetganini ma’lum qildi.
Milliy yong‘in xizmati ikki kishini qutqarib qolish mumkinligini ma’lum qildi: bir yo‘lovchi va bir ekipaj a’zosi. Keyinroq mahalliy hokimiyat yana bir yo‘lovchi qutqarib olingani haqida xabar berdi.
Yo‘lovchilarning aksariyati, ya’ni 173 nafari Koreya, yana ikki nafari Tailand fuqarolari edi.
Hodisa sabablari hozircha noma’lum. Dastlabki ma’lumotlarga ko‘ra, samolyot qush bilan to‘qnashib ketgani uchun boshqaruvni yo‘qotgan bo‘lishi mumkin. Yonhap xabariga ko‘ra, shassilarni boshqarish tizimi shu sabab ishlamayapti.
