Pekinda O‘zbekiston elchixonasi diplomatlari Gonkong maxsus ma’muriy hududi hukumati vakillari bilan muzokaralar o‘tkazdi.
Immigratsiya idorasi direktori Vong Vey-ki Xarier bilan ikki tomonlama konsullik-huquqiy hamkorlik, Gonkong maxsus maʼmuriy hududidagi amaldagi migratsiya qoidalari va ikki tomonlama turizm almashinuvini rivojlantirish boʻyicha istiqboldagi rejalar bilan bogʻliq masalalar muhokama qilindi.
Muzokaralar chogʻida Gonkong maxsus maʼmuriy hududining viza siyosati, tomonlar fuqarolarining huquq va manfaatlarini himoya qilish hamda Oʻzbekiston va Gonkong oʻrtasidagi shartnomaviy-huquqiy bazani kengaytirish masalalari ham muhokama qilindi.
Eslatib oʻtamiz, 2021-yilning 1-martidan boshlab Xitoy fuqarolari, jumladan, Xitoyning maxsus maʼmuriy hududlari – Gonkong va Makao fuqarolari uchun 10 kungacha vizasiz rejim kuchga kirdi. Bundan tashqari, joriy yilning 1 dekabr kuni Chengdu shahrida “Xitoy Xalq Respublikasi hukumati va O‘zbekiston Respublikasi hukumati o‘rtasida o‘zaro vizadan ozod qilish to‘g‘risidagi bitim” imzolangani xabar qilingan edi. Aytish joizki, ayni paytda mazkur hujjat kuchga kirishi uchun zarur bo‘lgan ichki davlat-huquqiy tartib-taomillari tasdiqlanmoqda.
Bundan tashqari, Oʻzbekiston Gonkong maxsus maʼmuriy hududi bilan oʻz fuqarolarini viza talablaridan oʻzaro ozod qilish boʻyicha kelishuvga erishmoqchiligi maʼlum qilindi.
“Gonkong tomoni O‘zbekiston bilan barcha sohalarda ikki tomonlama hamkorlikni mustahkamlash, amaliy natijalarni yaxshilash, ayniqsa, fuqarolar almashinuvini kengaytirish va turizm sohasini izchil rivojlantirishdan birdek manfaatdor”, — dedi u.
Tomonlar ushbu sohaga oid qolgan masalalarning umumiy yechimlari bo‘yicha muloqotni davom ettirishga kelishib oldilar.