Qahramonimiz Samira Idrisova bu yil 16 yoshda. U og‘ir kasal bo‘lgani bois, ayni paytda Respublika bolalar gematologiya, onkologiya va klinik immunologiya markazida davolanmoqda. Shifoxona yonida tashkil etilgan “Mehrli maktab” rassomchilikka ishtiyoqi baland Samiraning ijodini yuksaltirish, salomatligini mustahkamlashda beqiyos xizmat qildi.
Samira Idrisova, 16 yosh. Ulug‘ intiluvchan qiz 2023-yil yanvar oyidan buyon Respublika bolalar gematologiya, onkologiya va klinik immunologiya markazida davolanmoqda.
U “Mehrli makbat”da ruhiy kuch va odamlar bilan muloqotda bo‘lishning kasallikni engishdagi ahamiyati, ichki kechinmalari, qiziqish va maqsadlari, saboqlari haqida Kun.uz muxbiri bilan suhbatlashdi.
Samira “Zamin” jamg‘armasi loyihasi doirasida tashkil etilgan O‘zbekistondagi birinchi shifoxona ta’lim muassasasi “Mehrli maktab” o‘quvchisi. Sog‘ligida muammolar bo‘lsa-da, tez-tez tabassum qiladigan, yangi bilimlarni o‘rganishga ishtiyoqi baland, bilganlarini tengdoshlari bilan bo‘lishishdan charchamaydigan qiz.
«Men har doim optimizm bilan o'ylashga harakat qilaman. Kayfiyatim yomon bo‘lsa, dam olish uchun komediya filmlarini tomosha qilaman. Agar siz baxtli kayfiyatni saqlamasangiz, kasallik sizni mag'lub qilishi mumkin. Davolash paytida boshqa bolalar yig'lab, bezovta bo'lishsa-da, men jarayonni sodda va ijobiy tarzda o'tkazdim. Onam tez-tez aytadilar: «Kasalga paxta qo'ymayman», – dedi u.
Samira ustozlari va dugonalari bilan videoqo‘ng‘iroqlar orqali gaplashgani, muloqot uning tez tuzalishida asosiy omil bo‘lganini aytdi. Shifoxonada tashkil etilgan “Mehrli maktab”dagi muhit, darslar, turli tadbirlar yosh ijodkorga katta kuch bag‘ishlaganini ta’kidladi.
«Bu yerdagi o‘qituvchilar juda mehribon. Ular biz tushunmagan hamma narsani qunt bilan o'rgatishdi va biz bilan birga palataga qaytib kulishdi. Biz ulardan juda ko'p energiya olamiz. Maktabda o'qib yurganimda rasm chizishni yaxshi ko'rardim. Bu yerdagi ustozlarim menga tasviriy san’at sirlarini o‘rgatmoqda– dedi Samira.
Samira Xitoyning nufuzli universitetlaridan birida talaba bo'lishni, ingliz, xitoy, turk va arab tillarini o'rganishni maqsad qilgan. Uning so‘zlariga ko‘ra, “Mehrli maktab”dagi kursdoshlari sog‘ayib ketganidan so‘ng kuch-g‘ayrat olgani, hayotga qiziqishi yanada ortgan.
«Kasalxonada Alibek degan dugonam bor, endigina tuzalib uyiga qaytdi, dardini yengdi, Alibekning tuzalishi menga katta turtki berdi. Bu yerdan ko'p odamlar shifo topib chiqib ketishadi, ularga havasim keladi, «nega men ham ular qilgan ishni qilolmayapman, albatta tuzalib ketaman», deb o'zimga kuch beraman, umidimni uzmayman. – dedi u.