Kubaning eng yirik elektr stansiyasi Antonio Giteras ishlamay qoldi, natijada 10 million odam elektr energiyasiz qoldi. Bu haqda Reuters agentligi xabar berdi.
Hodisa tufayli barcha maktab va universitetlar yakshanba kuniga qadar yopilgan. Faqat oziq-ovqat va sog'liqni saqlash sohalaridagi davlat korxonalari xodimlari ishlashda davom etishlari mumkin. Kuba ko'p yillardan beri energiya inqirozini boshidan kechirmoqda. Sababi energetika tizimidagi eski jihozlar va chetdan olib kelingan yoqilg'ining yo'qligi.