Yevrokomissiya rahbari Ursula fon der Leyen Yevropa Ittifoqi davlatlarini Rossiyaning Ukrainaga qarshi urushi davom etayotgan bir paytda mudofaa xarajatlarini oshirishga chaqirdi. Bu haqda Deutsche Welle xabar bermoqda.
Rossiya yalpi ichki mahsulotining 9 foizini harbiy ehtiyojlar uchun sarflaydi, Yevropa Ittifoqi esa bor-yoʻgʻi 1,9 foizini sarflaydi, dedi u 27-noyabr kuni Strasburgda Yevroparlamentdagi chiqishida.
“Ushbu “tenglama”da qarama-qarshiliklar bor, mudofaa xarajatlarimiz oshishi kerak”, dedi u. Fon der Leyenning fikricha, mudofaa sanoatini kuchaytirish va Yevropa xavfsizligi boʻyicha qoʻshma loyihalarni amalga oshirish zarur.
Shuning uchun u Litvaning sobiq bosh vaziri Andrius Kubiliusni Yevropa Ittifoqining birinchi mudofaa komissari va Estoniya sobiq bosh vaziri Kaja Kallasni Yevropa Ittifoqining tashqi ishlar va xavfsizlik siyosati bo'yicha Oliy vakili etib tayinladi.
Yevropa Ittifoqi rahbarining aytishicha, Yevropa Ittifoqi vaqtni behuda sarflashga haqqi yo‘q va blokning mudofaa choralari tahdidlar qanchalik jiddiy bo‘lsa, shunchalik ambitsiyali bo‘lishi kerak.