Amerikadagi eng mashhur muzeylardan biri – Kaliforniyadagi Getti markazi jiddiy oʻrmon yongʻinlari sababli evakuatsiya qilinmoqda.
Bu haqda New York Times nashri xabar berdi.
Getti markazi hozirda majburiy evakuatsiya zonasida. Muzeyda Rubens, Rembrandt, Degas, Monet va boshqa rassomlarning asarlari namoyish etilgan.
Muzey avvalroq oʻzini “yongʻin sodir boʻlganda sanʼat asarlari uchun eng xavfsiz joy” deb eʼlon qilgan edi.
Soʻnggi maʼlumotlarga koʻra, Los-Anjeles okrugini qamrab olgan yongʻinda kamida 16 kishi halok boʻlgan.