O‘zbekiston elchixonasida Isroil tashqi ishlar vaziri o‘rinbosari Sharen Xaskel bilan uchrashuv bo‘lib o‘tdi.
Uchrashuvda siyosiy, iqtisodiy va madaniy-gumanitar sohalarda ikki tomonlama hamkorlikni mustahkamlash masalalari muhokama qilindi.
Tomonlar O‘zbekiston va Isroil o‘rtasidagi konstruktiv muloqotni rivojlantirish va hamkorlikni kengaytirish tarafdori ekanliklarini bildirdilar.
Uchrashuv o‘zaro anglashuv muhitida o‘tdi va ikki davlat o‘rtasidagi munosabatlarni yanada mustahkamlash muhimligi tasdiqlandi.