O‘zbekistonning Favqulodda va Muxtor Elchisi Ulug‘bek Lapasov (shtab-kvartirasi Nyu-York shahrida) Kuba Prezidenti Migel Mario Dias-Kanel Bermudesga ishonch yorliqlarini topshirdi.
Prezident Migel Bermudes tantanali marosimdan so‘ng bo‘lib o‘tgan qisqa suhbatda Kuba O‘zbekiston bilan do‘stlik, o‘zaro hurmat va manfaatlarni hisobga olish tamoyillariga asoslangan munosabatlarini qadrlashini ta’kidladi.
U, shuningdek, Kuba hukumatining Toshkent rasmiylari bilan siyosiy muloqotni faollashtirish va ko‘p tomonlama hamkorlikni mustahkamlashdan manfaatdor ekanligini bildirdi.
Uchrashuv yakunida Migel Bermudes O‘zbekiston Prezidentiga o‘z hurmatini bildirib, ezgu tilaklarini yo‘lladi.
Elchi Ulug‘bek Lapasov Gavanaga tashrifi chog‘ida Kuba milliy qahramoni Xose Marti haykali poyiga gul qo‘ydi. Shuningdek, Tashqi ishlar vazirligi, Milliy assambleya, Sog‘liqni saqlash vazirliklari, “BioKubaFarma” biotexnologiya va farmatsevtika korporatsiyasi bilan uchrashuv va muzokaralar o‘tkazdi.
O‘zbekiston bilan Kuba o‘rtasida diplomatik munosabatlar 2006-yil 13-martda o‘rnatilgan.Ulug‘bek Lapasov U O‘zbekistonning 18 yil ichida Kubadagi birinchi elchisi hisoblanadi.
Ulug‘bek Lapasov bu yil 42 yoshga to‘ldi. Jahon iqtisodiyoti va diplomatiya universiteti hamda bir qancha xorijiy universitet dasturlarini tamomlagan. Tashqi ishlar vazirligi tizimida stajyor sifatida ish boshlagan, Markaziy apparat va xorijdagi diplomatik vakillik idoralarida ishlagan. 2016 yildan BMTning Jenevadagi vakolatxonasi va boshqa xalqaro tashkilotlarning maslahatchisi, vaqtinchalik vakili, doimiy vakili, elchi lavozimlarida ishlab kelgan. U frantsuz, ingliz, rus tilida gapira oladi.