Moskva yaqinidagi Reutov masjidida juma namoziga tashrif buyurgan odamlar xavfsizlik kuchlari tomonidan bir soatdan ortiq hibsga olindi. Guvohlarning so‘zlariga ko‘ra, namozxonlarga masjiddan chiqishga ruxsat berilmagan.
Kecha, 13-dekabr kuni Moskva yaqinidagi Reutov masjidida juma namoziga tashrif buyurgan odamlar xavfsizlik kuchlari tomonidan bir soatdan ortiq hibsga olindi.
Guvohlarning so‘zlariga ko‘ra, namozxonlarga masjid binosidan chiqishga ruxsat berilmagan, ularning ba’zilari kasal bo‘lib qolgan, odamlar jahli chiqqan va videoni internetga joylashtirgan.
“Reutovdagi mahalliy masjidda hech qanday sababsiz bir soatdan ortiq hibsga olingan musulmonlardan shikoyatlar oldik. Ular mavjud vaziyatdan xafa ekanliklarini aytishdi”, — deyiladi Musulmon huquqshunoslari xalqaro assotsiatsiyasining telegramdagi kanalida.
Qo‘shimcha qilinishicha, xavfsizlik xodimlari jamoat namoziga kelganlarning hammasining hujjatlarini tekshirib, bir necha kishini politsiya bo‘limiga olib ketishgan.