Ayni paytda Prezident Shavkat Mirziyoyev Oliy Majlis Qonunchilik palatasining saylovdan keyingi birinchi majlisida so‘zlamoqda.
Davlatimiz rahbari nutqi avvalida Oliy Majlis Qonunchilik palatasiga saylovda faxriy deputat unvonini qo‘lga kiritganlarni tabrikladi.
Bu yuksak ishonch xalqimizning boy bilimi va hayotiy tajribasiga, yurt ravnaqi yo‘lidagi fidoyiligiga yuksak hurmat va ehtiromdan dalolat ekanini ta’kidladi.
Har qanday saylov davlat va jamiyat uchun muhim siyosiy jarayondir. Ayniqsa, hozirgi tarang va tahlikali dunyo sharoitida bunday ommaviy tadbirlarni tashkil etish yanada mas’uliyatni talab etadi. Turli mintaqalarda urush va janjallar, qarama-qarshiliklar va nizolar kuchayib bormoqda.
Saylovni o‘ta murakkab bir davrda tinch va xavfsiz sharoitda o‘tkazayotganimiz yurtimizda tinchlik va barqarorlik hukm surayotganidan dalolatdir. Prezidentimiz barchamiz ana shu bebaho boylikni asrab-avaylashimiz, mustahkamlashimiz zarurligini ta’kidladi.
Qayd etish joizki, xorijiy tashkilotlar va kuzatuvchilar saylov jarayoni xalqaro andozalarga to‘la mos tarzda o‘tganini ta’kidlab, ularni yuqori baholadilar.