Bugun, 27-dekabr kuni Toshkent shahar Yangihayot tumanida Lacetti rusumli avtomobil yonib ketdi. Bu haqda Toshkent shahar IIBB Yo‘l harakati xavfsizligi boshqarmasi xabar berdi.
Ma`lumki, soat 08:35 da tumandagi 2-mavze «Yani Umid» MFY 46-uy orqasida harakatlanmayotgan Lacetti rusumli avtomashinada yong'in sodir bo'lgan.
Yong‘in o‘t o‘chiruvchilar tomonidan o‘chirildi. Yong‘in oqibatida hech kim jabrlanmagan.
“Ushbu hodisa yuzasidan YHB va FVB xodimlari tomonidan surishtiruv ishlari olib borilmoqda, yong‘in kelib chiqish sabablari aniqlanmoqda. Barcha haydovchilardan o‘zlari boshqarayotgan transport vositasining texnik konfiguratsiyasiga e’tibor berishlarini so‘raymiz”, — deyiladi xabarnomada.