Donald Tramp Vladimir Putinga qo‘ng‘iroq qilib, Ukrainadagi vaziyatni keskinlashtirmaslikni so‘radi. Bu haqda The Washington Post nashri xabar berdi.
“7-noyabr kuni boʻlib oʻtgan suhbatda AQShning yangi saylangan prezidenti Putin bilan Rossiya-Ukraina urushini tezroq tugatish masalasini muhokama qildi. Donald Tramp “Vashingtonning Yevropadagi muhim harbiy ishtiroki”ni tilga oldi va Rossiya prezidentini keskinlashuvdan tiyilishga chaqirdi”, — deb yozadi gazeta manbalarga tayanib.
WP suhbatdoshlari, shuningdek, Tramp kelishuvning Rossiya tomonidan bosib olingan hududning bir qismi nazoratini saqlab qolishi haqidagi versiyasini “shaxsan o‘zi qo‘llab-quvvatlaganini” ma’lum qildi.
“Ukraina hukumati Tramp va Putin oʻrtasidagi suhbat haqida ogohlantirildi va Kiyev bunga eʼtiroz bildirmadi”, — deb yozadi nashr. Reuters xabariga ko‘ra, ushbu telefon suhbatidan bir kun oldin janob Tramp Ukraina prezidenti Vladimir Zelenskiy bilan ham gaplashgan va Kiyevni qo‘llab-quvvatlashga va’da bergan.