AQShning sobiq prezidenti Donald Tramp Rossiya, AQSh va Xitoy yadroviy quroldan butunlay voz kechishga tayyorligini aytdi. Tramp bu haqda YouTube’dagi Flagrant kanaliga bergan intervyusida aytib o‘tdi.
“Biz yadroviy quroldan butunlay voz kechish bo‘yicha kelishuvga erishishga yaqinmiz. Bu ajoyib bo'lardi. Biz yadrosizlanish haqida gapirayapmiz. Bizda yadro qurolini yo‘q qilish rejasi bor. Bu juda kuchli, juda ko‘p”, — dedi Tramp.
Uning so‘zlariga ko‘ra, kutilayotgan uch tomonlama kelishuv Vashington, Moskva va Pekin ishtirokini inobatga olgan va kelajakda boshqa davlatlarga ham kengayishni rejalashtirgan.