Abxaziya parlamenti binosi yaqinida otishma sodir bo‘ldi, deb xabar berdi Apsnipress va Interfaks guvohlarga tayanib.
Hodisa oqibatida ikki deputat tan jarohati oldi. “Apsnipress” Sog‘liqni saqlash vazirligi matbuot xizmatiga tayanib, Vaxtang Golandzia olgan jarohatlari tufayli vafot etganini yozadi.
Yana bir deputat Kan Kvarchia qo‘lidan jarohat olib, davolanish uchun respublika shifoxonasiga yetkazilgan.
Deputat Adgur Xaraziya voqea joyidan qochib ketgan. Parlament binosida Ichki ishlar vazirligi va prokuraturadan iborat faol tergov guruhlari ishlamoqda.
Abxaziya prezidenti vazifasini bajaruvchi Badra Gunba xavfsizlik kuchlarining voqea haqidagi maʼlumotlarini tingladi. Mahalliy Telegram kanali “AMPA-Life” xabariga ko‘ra, otishma qazib olishni taqiqlovchi qonun loyihasi muhokama qilinayotgan vaqtda sodir bo‘lgan.
Adgur Xaraziya va Kan Kvarchia o'rtasida janjal kelib chiqdi, Vaxtang Golandzia ularni tinchlantirishga harakat qildi.
Avvalroq Abxaziyaning sobiq prezidenti 14 million dollarga ko‘chmas mulk sotib olgani haqida yozgan edik.