AQSh gruziyalik magnat Bidzina Ivanishviliga qarshi sanksiyalar kiritdi. Tegishli hujjat AQSh Moliya vazirligi saytida e'lon qilindi.
Hukmron partiyaning faxriy raisi AQSh Xorijiy aktivlarni nazorat qilish boshqarmasining SDN (Maxsus tayinlangan fuqarolar va bloklangan shaxslar ro'yxati) ga kiritilgan.
Ivanishvili Gruziyadagi eng boy odam. U 2012-2013 yillarda mamlakat bosh vaziri bo‘lgan.
Avvalroq Yevroparlament Gruziyadagi parlament saylovlari natijalarini tan olmagan edi. Yevroparlament Yevropa Ittifoqiga bir qator gruziyalik siyosatchilar: Bidzina Ivanishvili, bosh vazir Irakliy Kobaxidze, parlament spikeri Shalva Papuashvili, partiya rahbari Irakliy Garibashvili va bosh kotib Kaxa Kaladzega nisbatan sanksiyalar joriy etishni taklif qildi. Yevroparlament maʼlumotlariga koʻra, ularning barchasi demokratik tamoyillarga zid harakatlar qilgan.
16-noyabr kuni Gruziya Markaziy saylov komissiyasi 26-oktabrda bo‘lib o‘tgan parlament saylovlari natijalarini sarhisob qildi. Muxolifat partiyalari, nodavlat sektor va prezident Salome Zurabishvili saylovlar soxtalashtirilgan deb hisoblaydi. Tbilisida bir oydan beri namoyishlar davom etmoqda.