AQShning Florida shtati qirg‘oqlariga “Helen” to‘foni kelib tushishi oqibatida kamida 40 kishi halok bo‘ldi. Mahalliy hokimiyat ma’lumotlariga ko‘ra, Janubiy Karolinada kamida 17, Jorjiyada 15, Floridada 6 va Shimoliy Karolinada 2 kishi halok bo‘lgan.
Bo'ron natijasida turli shtatlarda 3,5 million kishi elektr energiyasidan mahrum bo'ldi. Mamlakat janubi-sharqidagi ko‘plab aeroportlarning faoliyati to‘xtatildi. Shimoliy Karolinadagi Sharlotte/Duglas xalqaro aeroportida 400 ta reys bekor qilindi, 500 tasi kechiktirildi. Jorjiya aeroportida 200 ta reys bekor qilindi, 400 ga yaqin parvoz kechiktirildi.
Florida, Jorjiya, Shimoliy Karolina, Janubiy Karolina, Alabama va Virjiniya shtatlarida favqulodda holat e'lon qilindi. Tennessi shtati Nyuport shahridagi odamlar Waterville to'g'oni buzilganidan keyin evakuatsiya qilinmoqda.
Dovullar bo‘yicha milliy markaz ma’lumotlariga ko‘ra, hozirda bo‘ron zaiflashgan va shimolga qarab harakatlanmoqda. Xelen shanba kuni ertalab Tennessi shtatiga kelishi kutilmoqda.