Bugun Prezident Shavkat Mirziyoyev Parijdagi Paralimpiya oʻyinlarida gʻoliblikni qoʻlga kiritib, raqamni yanada oshirgan sportchilarimiz Elbek Sultonov, Yorqinbek Odilov va taekvondochi Asadbek Toshtemirov bilan telefon orqali muloqot qildi Terma jamoamiz hisobidagi oltin medal beshta.
Davlatimiz rahbari sportchilarni o‘zi va barcha yurtdoshlari nomidan samimiy tabriklab, bu g‘alabalar eng sevimli va eng muhim bayram – Mustaqillik bayramiga munosib tuhfa ekanini ta’kidladi. Ta’kidlash joizki, paralimpiyachilarimizning murosasiz bellashuvlarda ko‘rsatgan yuksak mahorati va shijoati butun yurtimizni, ayniqsa, yoshlarni ruhlantirdi.
Prezidentimiz murabbiylar va yigitlarning ota-onalariga o‘z minnatdorchiligini bildirib, kechagi g‘alabani qo‘lga kiritgan sportchilarimizga salom va tabrik yo‘lladi.
Chempionlar har bir chiqishlarida davlat rahbarlari va xalqimizning qo‘llab-quvvatlashini his qilganliklarini ta’kidlab, mamlakatimizda paralimpiya harakatini rivojlantirishga qaratilayotgan e’tibor, yaratilgan shart-sharoitlarga minnatdorlik bildirdilar.