Bosh prokuratura tomonidan taqdim etilgan ma’lumotlarga ko‘ra, 2024-yil 28-noyabr kuni soat 07:30 atrofida Shayxontohur tumani IIO FMB NQ ga SMS xabar kelib tushgan.
Unga ko‘ra, Mirzo Ulug‘bek tumanida yashovchi 2008-yilda tug‘ilgan yigit tanishi bilan sobiq “Chorsu” mehmonxonasi binosiga ruxsatsiz kirib, binoning 21-qavatidan 3-qavatiga qulab tushgan. Og‘ir tan jarohatlari sabab yigit voqea joyida vafot etgan.
Marhumning o‘limi holatlari yuzasidan sud-tibbiy ekspertizasi tayinlangan.
Hozirda mazkur holat yuzasidan Shayxontohur tuman prokuraturasi tomonidan surishtiruv harakatlari olib borilmoqda.