Belarus prezidenti Aleksandr Lukashenko siyosiy sabablarga ko‘ra sudlangan yana 32 kishini afv etdi, bu avgust boshidan beri beshinchi marta.
Avf etilganlarning barchasi o‘z aybiga iqror bo‘ldi. Ulardan sakkiz nafari ayol, 24 nafari erkak edi. 17 nafari surunkali kasalliklarga chalingan, 1 nafari nogiron. Bundan tashqari, mahkumlardan 17 nafarining farzandlari bor. Lukashenko matbuot xizmati afv etilganlarning to‘qqiz nafari 50 yoshdan oshganini ma’lum qildi.
Lukashenko so'nggi oylarda beshinchi marta siyosiy mahbuslarni afv etishini e'lon qildi. Shu vaqt ichida jami 160 nafar shaxs afv etildi.
Belarusdagi «Vesna» inson huquqlari markazi ma'lumotlariga ko'ra, Belarusda 2020 yilgi norozilik namoyishlaridan keyin 5 mingdan ortiq odam siyosiy sabablarga ko'ra sudlangan. Ularning mingdan ortig'i «Vesna» tomonidan siyosiy mahbus deb tan olingan.