Ozarbayjon tez orada rossiyaliklarning mamlakatda bo‘lish qoidalarini o‘zgartiradi. Bu haqda mamlakat tashqi ishlar vazirligi matbuot kotibi Ayxan Gadjizade ma'lum qildi.
“Rossiya tomonidan kiritilgan yangi qoidalar va xorijliklarning ushbu mamlakatda bo‘lish muddatiga qo‘yiladigan talablarning kuchaytirilishi biz uchun birinchi navbatda fuqarolarimizning huquqlari nuqtai nazaridan ko‘rib chiqiladi. Ozarbayjon tomoni vaqtinchalik yashash va migratsiya davomiyligi masalalarida tenglik va o‘zarolik tamoyiliga amal qiladi. Shu munosabat bilan yaqin kelajakda Rossiya Federatsiyasi fuqarolarining Ozarbayjon Respublikasi hududida vaqtincha bo‘lish muddatini belgilovchi normativ hujjatlarga o‘zgartirishlar kiritilishi kutilmoqda”, — deyiladi TIV xabarida. Ozarbayjon.
2025-yil 1-yanvardan boshlab Rossiyaga vizasiz kiruvchi xorijliklar mamlakatda bir kalendar yilida jami 90 kundan ortiq bo‘lmagan muddatga qolishlari mumkin bo‘ladi. Bundan tashqari, 2025-yil 5-fevraldan boshlab Rossiya hududida bo‘lish uchun qonuniy asosga ega bo‘lmagan xorijiy fuqarolarni deportatsiya qilish uchun migratsiya rejimi amal qiladi.