O‘zbekistonning Rossiyadagi diplomatik vakolatxonasi Moskvadagi teraktga aloqadorlikda gumon qilinayotgan ushbu respublika fuqarosi qo‘lga olingani haqidagi ma’lumotga izoh berdi.
Elchixona voqea tafsilotlarini aniqlashtirish uchun Rossiya huquq-tartibot idoralari bilan bog‘langanini ma’lum qildi.
Rossiya Federal xavfsizlik xizmati maʼlumotlariga koʻra, qoʻlga olingan 29 yoshli shaxs Ukraina xavfsizlik xizmati tomonidan 100 ming dollarga yollangan va Yevropa pasportiga ega.
Erkak qo‘lbola portlovchi moslamani olib, elektr mototsiklini general Igor Kirillov yashaydigan uyga kiraverishda qo‘ygan.
Portlash natijasida Kirillov va uning yordamchisi Ilya Polikarpov halok bo'ldi.
Teraktni amalga oshirgan shaxs Moskva viloyatida qo‘lga olindi. U terrorizm, qotillik, portlovchi moddalarni noqonuniy saqlash va tayyorlash uchun umrbod qamoq jazosiga hukm qilinishi mumkin. So‘roq paytida gumonlanuvchi pul va Yevropa pasporti evaziga bunga rozi bo‘lganini tan oldi.