O‘zbekiston Respublikasi Prezidenti Shavkat Mirziyoyev Ashxobod shahrida bo‘lib o‘tayotgan xalqaro forum doirasida Eron Islom Respublikasi Prezidenti Masud Pezeshkiyan bilan uchrashuv o‘tkazdi.
O‘zbekiston va Eron o‘rtasidagi ko‘p tomonlama munosabatlarni yanada rivojlantirishning amaliy masalalari muhokama qilindi.
Turli darajadagi ijobiy aloqalar va samarali almashinuvlar davom etayotgani mamnuniyat bilan qayd etildi. Savdo hajmi va qo'shma korxonalar soni ortib bormoqda.
Davlat rahbari imtiyozli savdo shartnomasi doirasida kooperatsiya loyihalarini qo‘llab-quvvatlash va tezkorlik bilan amalga oshirish, mahsulot portfelini kengaytirish muhimligini ta’kidladi.
O‘zbekiston va Eron rahbarlari xalqaro va mintaqaviy kun tartibi yuzasidan ham fikr almashdilar.