Avvalroq Turkiyaning Kartalkaya tog‘-chang‘i kurortidagi mehmonxonada sodir bo‘lgan yong‘in oqibatida kamida 10 kishi halok bo‘lgan, 30 dan ortiq kishi jarohatlangan edi. Halok bo‘lganlardan ikki nafari vahima ichida binodan sakrab, vafot etgani haqida xabar bergan edik.
O‘zbekiston Prezidenti Shavkat Mirziyoyev Turkiyaning Bolu viloyatida sodir bo‘lgan va ko‘plab insonlar halok bo‘lgani va og‘ir tan jarohati olgan fojiali voqea munosabati bilan Turkiya prezidenti Rajab Toyyib Erdo‘g‘anga hamdardlik bildirdi.
Davlatimiz rahbari qardosh Turkiya rahbariyati va xalqiga chuqur hamdardlik bildirib, halok bo‘lganlarning oila a’zolari va yaqinlariga hamda jarohatlanganlarning tezroq sog‘ayib ketishini tiladi.