Qozog‘iston hukumati 1800 ga yaqin maktabni SpaceX kompaniyasining Starlink terminali orqali internetga ulaydi, deb yozadi “TASS” “respublika hukumati bilan bog‘liq holda”.
“Raqamli infratuzilmani rivojlantirish borasida faol ishlar olib borilmoqda. Bugungi kunga qadar 1757 ta maktabda Starlink sun’iy yo‘ldosh interneti o‘rnatilib, bu orqali ulanish tezligi 3 barobar oshirildi. Shu bilan birga, barcha darsliklarni raqamlashtirish tugallandi va 11 platformada elektron versiyalari talabalarga yetkazildi”, — deyiladi xabarda.
May oyida Qozogʻiston parlamenti mamlakatning chekka qishloqlaridagi ijtimoiy obʼyektlarni internet bilan taʼminlash uchun Starlink sunʼiy yoʻldosh aloqasi texnologiyasidan foydalanishga ruxsat beruvchi qonunni qabul qilgan edi. 2024-yilga borib 2000 ga yaqin qishloq maktablarini sun’iy yo‘ldoshli internet bilan ta’minlash kutilmoqda.