Qatarda bo'lib o'tayotgan FIFA qit'alararo kubogi finalida Ispaniyaning «Real Madrid» va Meksikaning «Pachuka» klublari kuch sinashadi.
O‘yinning 37-daqiqasida Kilian Mbappe, 53-daqiqada Rodrigo va 84-daqiqada Vinisius Junior gol urishga muvaffaq bo‘ldi va jamoasining 3:0 hisobidagi “Lusail” stadionida g‘alaba qozonishiga yordam berdi.
Shu tariqa qirollik klubi FIFA qit’alararo kubogini qo‘lga kiritdi. Karlo Anchelotti shogirdlari uchun bu sovrin 2024 yildagi beshinchi sovrindir.Ular avvalroq Ispaniya Superkubogi, La Liga, Chempionlar Ligasi va Yevropa Superkubogida g‘olib chiqishgan.
Bundan tashqari, Karlo Anchelotti ham «Real Madrid» tarixida eng ko'p sovrinlarni qo'lga kiritgan murabbiyga aylandi. Demak, italiyalik mutaxassis madridliklar bilan jami 15ta sovrinni qo'lga kiritgan. K.Anchelotti hisobida jami 31 ta mukofot bor.
Ungacha eng yaxshi natija Migel Munosga tegishli edi. U «Real» bilan 14 ta chempionlikni qo'lga kiritgan.