Toshkent shahar hokimi Shavkat Umurzoqov O‘zbekiston shaxmat federatsiyasi Toshkent shahar bo‘limi prezidenti etib tayinlandi. Bu haqda Toshkent shahar hokimligi axborot xizmati xabar bermoqda.
2-oktabr kuni Toshkent shahar sport boshqarmasi rahbarlari, poytaxtdagi sport maktablari rahbarlari va shaxmat bo‘yicha murabbiylar ishtirokida yig‘ilish bo‘lib o‘tdi.
Unda Toshkent shahrida shaxmat maktablarini tashkil etish va rivojlantirish, yoshlar o‘rtasida shaxmatga qiziqishni oshirish masalalari muhokama qilindi.
Bundan tashqari, yig‘ilishda tashkiliy masala ham ko‘rib chiqilib, ayni paytda Toshkent shahar hokimi lavozimida ishlab kelayotgan Shavkat Umurzoqov O‘zbekiston shaxmat federatsiyasi Toshkent shahar bo‘limi prezidenti etib saylandi.