29 dekabr kuni Gruziya parlamentida 14 dekabr kuni saylovchilar kollegiyasi tomonidan saylangan yangi prezident Mixail Kavelashvilining inauguratsiyasi bo‘lib o‘tdi.
Marosim prezident saroyi oldida saylov natijalarini tan olmagan odamlarning noroziliklari fonida o‘tkazildi. O‘sha kuni vakolati tugagan Gruziyaning beshinchi prezidenti Salome Zurabishvili namoyishchilar oldida chiqish qildi. U «qonuniyligini o'zi bilan olib,» lagerni tark etishini aytdi.
“Bu bino hech kimga tegishli emas. Qonuniy prezidentning shu yerda ekanligi ramziy ma’noga ega. Men sening qonuniyliging, bayrog‘ing va ishonchingni olib yuraman”, — dedi Zurabishvili.
Inauguratsiya marosimida “demokratiya va Gruziyaning Yevroatlantika yoʻl xaritasiga putur yetkazganligi” uchun yaqinda AQSh tomonidan sanksiyaga uchragan “Gruziya orzusi” hukmron partiyasi asoschisi Bidzina Ivanishvili ishtirok etdi. Gruziyada akkreditatsiyadan o‘tgan diplomatlar joy yo‘qligi sababli tadbirga taklif etilmadi.
Muxolifat, Kavelashvilining inauguratsiyasiga qaramay, Zurabishvilini prezident deb hisoblashda davom etishini aytdi.