“Bayer” himoyachisi Jeremi Frimpong Tumanli Albionga o‘tishi mumkin. Mirror Football xabariga ko‘ra, “Liverpul” niderlandiyalik futbolchini o‘z safiga qo‘shib olmoqchi.
Jurnalistlarga ma’lum bo‘lishicha, mersisaydlik rahbariyati Frimpongni sotib olish uchun 40 million yevro ajratishga tayyor. Jeremi 2028 yilning iyun oyi oxirigacha “dorichilar” bilan shartnoma majburiyatlariga ega.
Germaniya chempionatining joriy mavsumida niderlandiyalik futbolchi 33 ta o‘yin o‘tkazdi. Frimpong beshta gol urdi va beshta golli uzatmani amalga oshirdi.