Himoyachi Mark Gexi “Kristal Pelas”dan “Liverpul”ga o‘tmaydi. Bu haqda bir necha manbalar, xususan, taniqli insayder Fabrisio Romano xabar berdi.
Gexi tibbiy ko‘rikdan o‘tdi, ammo uning transferi yopilmadi, chunki “Kristal Pelas” “Brayton”dan braziliyalik Igor bilan shartnoma imzolay olmadi, deya ta’kidlaydi Romano.
Ma’lumotni talkSPORT jurnalistlari to‘ldiradi. Manbaga ko‘ra, kelishuv “Kristal Pelas” bosh murabbiyi Oliver Glasner tufayli barbod bo‘lgan. Germaniyalik mutaxassis himoya chizig‘iga yangi futbolchi kelmaganini inobatga olib, Gexi sotib yuborilsa, klubni tark etish bilan tahdid qilgan.
Glasner qo‘l ostida “Kristal Pelas” 2025 yilda Angliya kubogi va Angliya Superkubogini qo‘lga kiritdi.