“Liverpul” hujumchisi Diogu Jota dahshatli yo‘l-transport hodisasida halok bo‘ldi. Portugaliyalik atigi 28 yoshda edi… Fojiali xabar va uning tasdig‘idan so‘ng Angliya Premyer-ligasi bayonot bilan chiqdi.
“Diogu Jota va uning ukasi Andrening fojiali o‘limi haqidagi xabardan APLdagilarning barchasi dahshatga tushdi. Ushbu og‘ir damlarda Dioguning oila a’zolari, do‘stlari, “Liverpul” va barcha muxlislariga hamdardlik bildiramiz. Futbol chempionni bir umrga yo‘qotdi”, – deyiladi bayonotda.
Diogu Jota “Liverpul” safida 2024/2025 yilgi mavsumda Angliya chempioni bo‘ldi.