Angliya Premyer-ligasi klublari yozgi transfer oynasi vaqtini kelishib oldi. Bu haqda Angliya Premyer-ligasi rasmiy sayti xabar berdi.
“Transfer oynasi Klublar o‘rtasidagi FIFA Jahon chempionati bilan bog‘liq istisno ro‘yxatdan o‘tish muddati tufayli 1 iyun yakshanbadan 10 iyun seshanbagacha erta ochiladi. Keyin u 16 iyun dushanba kuni ochiladi va 1 sentyabr dushanba kuni yopiladi”, deyiladi xabarda.
2025 yilgi klublar o‘rtasidagi jahon chempionati 15 iyundan 13 iyulga qadar AQSHda bo‘lib o‘tadi. Unda ilk bor 32 ta jamoa ishtirok etadi. Ishtirokchilar orasida Angliya Premyer-ligasi sharafini “Manchester Siti” va “Chelsi” jamoalari himoya qiladi.