Londonning “Arsenal” klubi darvozaboni David Rayya Chempionlar ligasi chorak finalidan o‘rin olgan “Real”ga qarshi javob o‘yini oldidan o‘z fikrlari bilan o‘rtoqlashdi.
“Kanonirlar” Londonda bo‘lib o‘tgan birinchi uchrashuvda 3:0 hisobida g‘alaba qozongan, ammo “qaymoqranglilar”ning obro‘si va mavqei bunday qulay ustunlik bilan ham bo‘shashishga imkon bermaydi.
“Asabiylashmayapmiz, ishonchni his qilyapmiz. Biz o‘z tariximizni yaratish uchun bu yerdamiz, g‘alaba qozonish – eng muhimi. Biz “Real”ning qanchalik buyuk ekanini bilamiz va bunday raqibni mag‘lub etish juda zo‘r bo‘lardi,” – deya Rayyaning so‘zlarini keltiradi BBC.