“Arsenal” Maylz Lyuis-Skellining qizil kartochkasi uchun apellyasiya berdi.
Yarim himoyachi APLning 23-turidan o‘rin olgan “Vulverxempton”ga (1:0) qarshi o‘yinda maydondan chetlatilgan edi. Lyuis-Skelli qarshi hujumni to‘xtatmoqchi bo‘lib, Mett Doertiga qo‘pollik bilan harakat qildi va himoyachini maydonga yiqitdi. Uchrashuv bosh hakami Maykl Oliver 18 yoshli futbolchiga to‘g‘ridan-to‘g‘ri qizil kartochka ko‘rsatdi.
Hakamlar hay’ati hakamning maydonda qabul qilingan qarorini va keyingi VAR tekshiruvi natijasini tasdiqladi.
BBC nashri xabariga ko‘ra, “Arsenal” Lyuis-Skellining qizil kartochkasiga qarshi chiqdi. Agar apellyasiya qanoatlantirilmasa, futbolchi uchta o‘yinni o‘tkazib yuboradi – APL doirasidagi “Manchester Siti” va “Lester” va Angliya Liga kubogi yarim finali doirasida “Nyukasl”ga qarshi javob o‘yinini.