Tez orada “Arsenal” chap qanot himoyachisi Maylz Lyuis-Skelli bilan shartnomani uzaytirganini e’lon qilishi kutilmoqda. CharlesWatts.Football xabariga ko‘ra, 18 yoshli futbolchi allaqachon o‘z klubi bilan uzoq muddatli mehnat shartnomasini kelishib olgan.
Lyuis-Skelli 2024/2025 yilgi mavsumning haqiqiy kashfiyoti bo‘ldi. Himoyachi “kanonirlar”ning asosiy jamoasi safida 39 ta o‘yinda maydonga tushib, o‘z hisobiga bitta gol va sheriklariga ikkita golli uzatma yozdirib qo‘ygan. Mart oyida u Angliya terma jamoasi safida debyut qildi.
Eslatib o‘tamiz, “Arsenal” o‘tgan Angliya chempionatini turnir jadvalida 2-o‘rinda yakunlagan edi.