Leander Dendonker “Aston Villa”ni butunlay tark etdi.
Yarim himoyachi “Real Ovyedo” safiga borib qo‘shildi va 2 yillik shartnoma imzoladi.
The Athletic nashri xabariga ko‘ra, birmingemliklar 30 yoshli belgiyalik futbolchi uchun hech qanday tovon puli olishmagan.
So‘nggi bir yarim yilni Dendonker avval “Napoli”, keyin “Anderlext”da ijarada o‘tkazdi. O‘tgan yilgi Belgiya chempionatida u 30 ta o‘yinda 2 ta gol urgan.