“Barselona” yarim himoyachisi Fermin Lopes faoliyatini Ispaniyaning boshqa klubida davom ettirishi mumkin.
Jurnalist Sebastyen Vidalning ma’lum qilishicha, “Atletiko” 22 yoshli Lopesni joriy yozda yarim himoyachini kuchaytirish uchun ustuvor transfer maqsadi sifatida belgilagan. Qayd etilishicha, “Barselona” katta moliyaviy taklif olsa, Lopesni sotish masalasini ko‘rib chiqishi mumkin.
Ispaniyalik xavbek 2024/25 yilgi mavsumda barcha musobaqalarda 46 ta o‘yinda maydonga tushib, 8 ta gol urdi va 10 ta golli uzatma muallifiga aylandi.