O‘zbekiston Respublikasi Prezidentining 2024 yil 22 iyundagi PF–94-sonli farmoni ijrosini ta’minlash maqsadida Jismoniy tarbiya va sport ilmiy-tadqiqotlar instituti tomonidan jismoniy mashqlar hamda mobil laboratoriya orqali ilmiy tadqiqot ishlari amalga oshirilmoqda.
Jumladan, joriy yilning 11 iyun kuni Bahodir Jalolov nomidagi boksga ixtisoslashtirilgan sport maktabida navbatdagi tadqiqot ishlari olib borilmoqda.
Tadqiqot jarayonida mazkur markazda tahsil olayotgan o‘quvchi-sportchilarning umumiy jismoniy tayyorgarligi, funksional ko‘rsatkichlari, jismoniy holati, mashg‘ulotlar samaradorligi hamda individual rivojlanish darajasi chuqur tahlil qilindi.
O‘rganish natijalariga asosan sportchilarning mashg‘ulot jarayonlarini yanada takomillashtirish, ularning jismoniy salohiyatini oshirish bo‘yicha amaliy tavsiyalar ishlab chiqiladi va mutasaddi murabbiylarga taqdim etiladi.