Braziliyada bo‘lib o‘tayotgan boks bo‘yicha jahon kubogi musobaqasida bugun navbatdagi vazn toifalarida chorak final janglari o‘tkazildi. Unda 4 nafar vatandoshimiz ringga ko‘tarildi.
Mirazizbek Mirzahalilov ikkinchi bahsini ham g‘alaba bilan yakunladi. Bokschimiz -55 kg vaznda polshalik Nikolas Pavlikga hech qanday imkoniyat qoldirmadi — 5:0.
-70 kg vaznda bo‘lib o‘tgan navbatdagi bahsda, Iqboljon Xoldarov angliyalik Odel Kamaraga qarshi bahs olib bordi va afsuski, hakamlarning qarorlariga ko‘ra mag‘lub bo‘ldi.
Asadxo‘ja Mo‘ydinxo‘jayev -65 kg vaznda mezbon bokschi Yuri Reysga qarshi bahs olib bordi va hakamlarning qarorlariga ko‘ra 2:3 hisobida mag‘lub bo‘ldi.
Javohir Ummataliyev -80 kg vaznda AQSH vakili Robbi Gonsalesni 3:2 hisobida mag‘lub etib, keyingi bosqichga yo‘l oldi.