Madridning “Real” klubi himoyachisi Diyego Aguado faoliyatini Bundesligada davom ettirishi mumkin.
Marca xabariga ko‘ra, Dortmundning “Borussiya” klubi 18 yoshli futbolchining transferi bo‘yicha rasmiy taklif yuborgan. Nemis klubi taklif qilgan summa 6 million yevroni tashkil etadi. Shu bilan birga, “Real” rahbariyati hali qaror qabul qilishga shoshilmayapti: madridliklar Aguadoni bo‘lajak klublar o‘rtasidagi jahon chempionati qaydnomasiga kiritishni rejalashtirmoqda va uning kelajagini turnir tugagandan keyingina muhokama qilishga tayyor.
O‘tgan mavsumda Aguado asosiy va yoshlar jamoasi safida 13 ta o‘yinda maydonga tushib, bitta gol urgan. Himoyachining “Real” bilan shartnomasi 2029 yilning yozigacha amal qiladi.